Hittingur með fulltrúum vegagerðar og vegamerkingarmönnum

Ýmislegt að sýsla í dag, m.a. spjall við fulltrúa vegagerðar og svo var líka hittingur með Reyni G vegagerðarmanni og svo sömuleiðis hittingur með aðila sem hefur með vegamerkingar að gera og aðrar merkingar eins og bílastæða og gangbrautarmerkingar. Var sömuleiðis að vinna að skipulagsmálum og byggingartengdum eftir miðjan dag. Seinni partinn skellti ég mér svo til sunds.

Annað ekki í dag 

Fuglalífið annars í miklum blóma á Búlandsnesinu.  

Mynd dagsins

 

Austfjarðaþokan mætt - unnið að skipulagsmálum

Þá mætti þokan mér hnausþykk þegar ég mætti til vinnu í morgun. Þegar leið á daginn lifnaði yfir en í kvöld var þokan mætt aftur enn svartari en áður.

Þórhallur Pálsson kom til fundar í dag og sátum við dágóða stund yfir byggingar og skipulagsmálum. Mældum m.a.svæði sem ætlað er til sumarhúsabygginga hér við þéttbýlið.

Annað var það í dag að taumönd sást á Fýluvogi.

Þá hitti ég á Pál sveitarstjóra í Breiðdal sem var á ferðalagi með fjölskyldu sína og var hess að vanda.

Mynd dagsins

Rigning annan daginn í röð

Rigning mestan part dagsins. Dagurinn annars hefðbundinn, horfði á Júravision í kvöld þar sem Ísland fór áfram, en ég var reyndar mest hrifinn af söng Albönsku dívunnar. Að öðru leyti blogglatur

Mynd dagsins af handahófi

Fundur með fulltrúum Þjóðminjasafnsins - og loksins fengum við langþráða rigningu

Dagurinn heilsaði með rigningardembu og hefur lítið lát verið á í allan dag og nú í kvöld hefur bætt í frekar en hitt. Rigningin er þó mjög kærkomin enda var hér allt að skrælna úr þurrki, varla komið dropi úr lofti í meir en mánuð. Hefðbundin vinnudagur en eftir hádegi tók ég á móti fulltrúum frá Þjóðminjasafninu þeim Guðmundi Luther og Önnu Lísu og sátum við á spjalli í rúma tvo klukkutíma.

Fátt annað við að vera í dag, skrapp í sund seinni partinn og í kvöld átti ég gott spjall við Egil frænda sem iðar nú í skinninu að komast austur á refaveiðar.

Mynd dagsins

 

Viðburðalítill sunnudagur

Gerði fátt af mér í dag annað en að hjóla hér um nágrennið í austankulinu. Kíkti líka eftir hreindýrunum en þau halda sig í tveimur og þremur hópum hérna á Búlandsnesinu og vafra á daginn allt í kringum Hálsana bæði sunnan og norðanverður og svo skokka dýrin líka út í Úlfsey og allt þar á milli. Spurning hvort þessi hreindýrstarfar ætli að halda sig hér fram eftir sumri eins dæmi eru til um áður.

Kíkti aðeins við í Bakkabúð og heilsaði upp á Sigrúnu S sem er mætt eins og vorfuglarnir og þá fer nú miðja þorpsins að lifna við þar sem að Langabúð er einnig tekin til starfa með sumaropnun.  

Gréta á leiðinni heim frá Noregi. Annað ekki í dag

Mynda dagsins